Cando instalamos programas en Linux o sistema operativo descarga os elementos necesarios para facer a instalación dende uns sitios web chamados repositorios. Os repositorios son os lugares onde está almacenado todo o software dispoñible para a distribución de Linux que teñas instalada, neste caso Ubuntu 11.10. Son imprescindibles para poder instalar programas e actualizar o sistema operativo, polo que é fundamental ter unha boa conexión a internet para poder utilizar Linux.
Ubuntu, o Centro de Software inclúe unha pequena lista de repositorios de onde descargar as actualizacións e o software básico. Non obstante, dita lista pode ampliarse co obxectivo de poder instalar codecs de vídeo propietarios, programas de Google ou calquera outra cousa. Na páxina web desta ligszón poderás atopar un motor para xerar unha lista dos distintos repositorios disponibles para a túa distribución de Ubuntu.
Imos engadir catro repositorios á lista do Centro de Software de Ubuntu. Co Centro de Software aberto situamos o cursor na barra superios e seleccionamos “Editar/Orixes do Software”, na pestaña de “Outro Software” pulsamos “Engadir”, copiamos un dos repositorios da lista de abaixo e aceptamos pulsando “Engadir Fonte”. Procedemos do mesmo xeito ata engadir os catro repositorios da lista e ao acabar pechamos a xanela de Fontes de Software.
deb http://packages.medibuntu.org/ oneiric free non-free
deb http://archive.getdeb.net/ubuntu oneiric-getdeb apps
deb http://dl.google.com/linux/chrome/deb/ stable main
deb http://dl.google.com/linux/earth/deb/ stable main
Para poder utilizar cada un dos repositorios que acabamos de engadir e necesario que o ordenador teña a clave pública que permite acceder aos mesmos. Para descargala no ordenador e gardala utilizaremos os seguintes comandos no Terminal.
wget -q -O- http://packages.medibuntu.org/medibuntu-key.gpg | sudo apt-key add -
wget -q -O- http://archive.getdeb.net/getdeb-archive.key | sudo apt-key add -
wget -q -O - https://dl-ssl.google.com/linux/linux_signing_key.pub | sudo apt-key add -
Para comprobar que engadimos correctamente os repositorios imos instalar Google Chrome(google-chrome-stable) dende o Centro de Software e unha serie de paquetes importantes para poder ver películas Flash e DVDs co comando apt-get.
sudo apt-get install w32codecs libdvdcss2 ubuntu-restricted-extras non-free-codecs libdvdread4
